Adriano é un israelí que dedicou a súa vida a apoiar contra todo pronóstico a un grupo de teatro de adolescentes árabes en Gaza. Emily, unha moza cooperante estadounidense, chega alí para traballar con el. En Gaza, Emily atoparase cunha realidade que descoñece e que lle cambiará a vida, e terá que enfrontarse a situacións extremas, unhas tráxicas, outras cheas de tenrura, todas emocionantes. Baixo o ceo de GazaLuis Matilla preséntanos a un home sinxelo e honesto que ve como o seu reto vital a defensa da cultura, da arte, da educación, da palabra e da solidariedade, contra a guerra, a miseria, o medo e a inxustiza. É un compromiso revolucionario pacífico coa humanidade, contra a incomprensión e o fundamentalismo de ambos os bandos.Baixo o ceo de Gaza É unha conmovedora historia de dedicación persoal a prol da tolerancia, que mereceu o Premio ASSITEJ España de Teatro 2014. Anos despois da montaxe O home de cen mans, a Asociación ten a sorte de publicar agora unha nova obra de Luis Matilla, autor imprescindible para entender o teatro infantil e xuvenil en España das últimas décadas.