Estocolmo, Suecia, nalgún momento despois de outubro de 2014: momento no que a familia de Yaryna foxe da guerra de Ucraína. Meses despois da súa chegada, a familia comparece ante o funcionario que lles fai preguntas sobre a súa viaxe. El é o responsable de decidir se se lle concederá ou non a residencia á familia e se poderá permanecer en Suecia. Ese mesmo día, Yaryna cae nun sono profundo e desesperado: é a síndrome de resignación que sofren moitos nenos tras o exilio e o desprazamento forzado. Yaryna dorme, inerte, pero é a través da súa historia como asistimos ao que acontece durante ese tempo no que toda a familia permanece ao seu carón, coidando dela. Como aforra a súa irmá para comprarlle unha bicicleta azul e laranxa; as esperanzas dos seus pais, á espera dunha decisión sobre o futuro de toda a familia; a chegada da nova amiga rusa da súa irmá. Pasarán meses de espera, mentres Yaryna dorme... E sete anos máis, ata o momento en que Ucraína sexa invadida de novo, agora no noso tempo.
Nieves Rodríguez Rodríguez pregúntanos a través das súas palabras teatrais, sempre poéticas e precisas. O meu soño de inverno foi o texto gañador do XXII Premio ASSITEJ España de Teatro Infantil e Xuvenil.